mars 2004

You are currently browsing the monthly archive for mars 2004.

Ný síða í smíðum!!

31. mars 2004 in Blog | No comments

Já á maður ekki að velja íslenskt…það segir í auglýsingunni a.m.k. Maður verður að reyna að vera duglegri að skrifa fyrst maður er kominn með nýja síðu. Ég ætla nú samt ekki að eyða hinni síðunni, verð bara með blogg á þeim báðum. Það er svo auðvelt að skrifa eina frétt og kópera hana á milli að ég held ég eigi ekki eftir að skrifa tvær mismunandi fréttir með mismunandi orðalagi fyrir síðurnar. Gæti samt verið gaman, þeir sem vilja harðan og kjaftforan stíl myndu þá velja gömlu síðuna en þeir sem vilja fallegar settningar með ljóðum og háfleygu orðalagi myndu velja þessa :D Ég held ég bíði nú samt með það í bili…

Ég er búinn að setja upp skoðanakönnun á nýju síðunni minni endilega takið þátt í henni…

Það er nú ekki margt í fréttum, fór í klippingu í gær og missti ca. 2 kg af höfðinu…alveg magnað :) . Þarf að skila agalega mikið af verkefnum fyrir páska þannig að það er betra að fara að byrja á einhverju af þessu.

Slóðin á nýju síðuna mína er http://blog.central.is/egillthor.

Tags: ,

Langt er um liðið og ýmislegt hefur gerst!

30. mars 2004 in BS-nám, Vinna | No comments

Já það eru orðnir nokkrir dagar síðan ég skrifaði síðast, maður er búinn að vera gera alveg slatta, aðallega að læra og vinna.

Búinn að vera vinna tvær síðustu helgar og því búinn að reyna vel í vikunni, því maður nennir yfirleitt ekki að læra eftir vinnu. Hún Kolla mín var 19 ára núna síðasta laugardag, ég gaf henni hjól og síðan fékk hún líka síma…segið svo að það sé ekkert merkilegt við það að vera 19 ára ha!! Við getum núna farið að hjóla saman þegar snjórinn sem kom núna um helgina er farinn…ekki langt í það, því borgin er eitt stórt slabb í dag.

Ég er kominn í bókhlöðuna og er að fara að gera örverufræðivinnubók sem ég þarf að skila fyrir páska…síðan fer ég í síðustu efnafræðitilraunina í dag á þessum vetri og fæ glertryggingargjaldið endurgreitt ef ég missi ekki mikið í gólfið í dag. Ég er búinn að brjóta eitt tilraunaglas…en það fer ekkert lengra!

Við fórum í mat til Bjarna (pabba Kollu) og Hrefnu konunnar hans á laugardaginn, þar var eldað grillkjöt ofan í afmælisbarnið og svíkur lambið ekki þegar það er komið á grillið…það er alveg ljóst. Við fórum síðan að sjá Pétur Pan í Smárabíói og notuðum frímiðana sem Brynja (mamma Kollu) gaf okkur. Hún var bara fín…ekta ævintýramynd.

Ég er núna búinn að gera skiptinemasamning við Háskólann á Akureyri, ég verð áfram skráður í HÍ en tek hluta af náminu í HA og fæ vonandi mest af því metið inn í HÍ. Það verður gaman að fara aftur norður…stefnum á að fara eins fljótt eftir próf og hægt er, ég klára 12. maí og mun þ.a.l. ekki vera í prófum á afmælinu mínu í nokkuð mörg ár…hver veit nema að það verði veisla :) sjáum til hvar maður veður búsettur….já veit einhver um lausa tveggja herbergja íbúð til leigu í sumar eða næsta árið?? Endilega hafið augu og eyru opin og láið mig vita ef þið fréttið eitthvað…best ef það væri á Brekkunni en það er svo sem ekkert endilega nauðsynlegt.

Jæja best að halda áfram við lærdóminn…skrifa vonandi fljótt aftur.

Tags: , ,

Lærdómurinn kominn í gang

17. mars 2004 in BS-nám, Íþróttir | No comments

Já það er óhætt að monta sig aðeins yfir lestri síðustu daga…því seinni önnin byrjaði með svipuðum hætti og sú fyrri. Ég og Björgvin fórum í Hlöðuna laugardag og sunnudag…Birkir bauð okkur í graut á laugardaginn og peppaði okkur áfram með því að segja vera að fara út í góða veðrið að mynda og sagðist ætla að kíkja á “Strandið” með nafna skipsins sem strandaði Baldvini Þorsteins.

Það var síðan tekið á því á mánudaginn í Hlöðunni og á bókasafninu í Öskju (nýja náttúrufræðihúsinu) eins og á þriðjudaginn. Þannig að maður er að komast í ham, enda verður ekki mikið lært um helgina…ég að fara að vinna báða dagana í Skeifunni.

Bjöggi dreif mig með sér í ræktina í gær þannig að tveggja vikna frí er á enda þar…var veikur í viku og að aumingjast í aðra. En það var tekið hraustlega á því eins og vanalega og byrjað á sömu þyngdum og fyrir hálfum mánuði. Strengirnir eru ekki enn komnir en það ekki útilokað að maður hafi verið aðeins stífur í morgun.

Jæja ég ætla að fara að skríða í bólið til Kollu…hún er að lesa undir sálfræðipróf en ég ætla nú bara að snúa mér á hina og safna kröftum fyrir morgundaginn.

Tags: ,

Góða kvöldið

11. mars 2004 in Blog | No comments

Ég var að koma úr Kringlubíói, við Kolla skruppum á School of Rock. Hún var bara skemmtileg og þakka ég Brynju “tengdó” kærlega fyrir miðana…alltaf nett á því sú gamla

Allavega þá mæli ég með myndinni til að lyfta sér upp úr skammdeginu, enn rigning og rok í Reykjavík…úúúffff!!

Jamm ekki margt í fréttum maður er ekkert að vinna um helgina, kannski að maður læri..hmmmm!

Spurning að elta Björgvin í hlöðuna, hann er á fullu í prófum kallinn og les sem aldrei fyrr. Sendi honum strauma núna……………….!

Hafið það sem best þið þarna sem þetta lesið, ég vona rigningin komist ekki alveg ofan í brók hjá ykkur, engin skömm að nota regnhlíf til að halda lífi. Var blautur fram að hádegi eftir að hafa hlaupið frá Bóksölunni þannig að ég er að spá í að fá mér eina slíka.

Tags: ,

Ausandi vatn og nóg af vindi

9. mars 2004 in Blog, Veður | No comments

Það er búið að vera djöflus hávaða rok hérna í Breiðholtinu síðan á aðfaranótt sunnudags. Þessi djöflus læti eiga víst að halda áfram út vikuna. Þetta er náttúrulega alveg ömurleg læti þegar veikur maður er að reyna að sofa…en heilsan er svo sem að lagast þannig að maður getur farið að flýja eitthvað vestur í bæ þar sem vindurinn er a.m.k. aðeins rólegri.

Jæja þá er ég búinn að þrasa nóg yfir veðrinu…sem hefur reyndar aldrei verið neitt gagn í því það er bara eins og það er og ég breyti því ekkert þó ég sé að tuða yfir því. Enn þetta hafa menn reyndar gert frá örófi alda þannig að það er ekki ólíklegt að þetta sé í genunum. Kannski framtíðar verkefni fyrir verðandi vísindamenn að finna hvaða gen í genamenginu stjórnar tuði yfir veðrinu…gæti orðið skemmtileg rannsókn. Jæja best að hætta bullinu áður en það nær herljargreipum á mér. Læt eina stöku fylgja svona í restina…

Í Breiðholti er gott að búa

en bara í sól og yl.

Ekki ættirðu þessu að trúa

hér býðst bara stormur með byl.

Tags: ,

Helgin var fín

8. mars 2004 in Blog | No comments

Við líffræðingarnir á 1. ári hittumst í parýi á Arnanesinu fyrir árshátíðina á laugardaginn. Það var bara nokkuð nett því við Ívar Þór fengum að koma nálægt hinni frægu HAXA-bollu sem inniheldur venjulega talvert magn af spíra og síðan hinu og þessu til að reyna að fela spírabragðið. Þetta leit semsagt vel út til að byja með en síðan fengu stelpurnar að koma of mikið með hendurnar í þetta. Spírinn er nítíu og eitthvað prósent þegar við fengum hann. Okkur var ráðlagt að þynna hann til helminga á móti vatni og síðan örlítið meira með ávöxtum og ávaxtasöfum. Við vorum búnir að gera svona helvíti magnaða uppskrift sem var svona 20% að styrkleika en þá var gjörsamlega valtað yfir okkur. Þær bætu a.m.k. tvöföldu ef ekki þreföldu magni af eplasafa útí. Við fórum að gráta í hljóði að horfa á þetta…en það þýðir ekkert að fara að gráta á svona stundu við ákváðum að gera okkur ferð út í ÁTVR og finna okkur vodka til að stykja bolluna án þess að nokkur tæki eftir. Í stuttu máli gekk þetta ekki því að það var búið að loka í Hafnafirðinum kl. 16 á laugardegi og við urðum alveg öskuillir útí þessa andskota sem stjórna því.

Þetta var svo sem í lagi því við fórum að drekka bolluna af miklum krafti þegar við komum aftur í partýið og vorum menn svo ákveðnir að láta bolluna virka að það voru ófá glösin sem runnu niður á mettíma. Hefði verið malt í bolluskálinni hefðum við fundið á okkur slíkt var magnið af bollu sem var innbyrgt.

Við fórum síðan með rútu niður í bæ en tókum þó 3. árið uppí á leiðinni. Ég var að sjálfsögðu kominn í gírinn á þessari stundu og kominn með strengi í brosvöðvana því þeir herpast alveg rosalega þegar alkóhólið nær svona tökum á manni. Kvöldið var mjög fínt á Versölum við fengum góðan mat og plötusnúðarnir voru fínir þetta kvöld.

Birkir og Björgvin komu svo náðu í mig og reyndu að gefa hóstasaft af barnum því hálsinn var eitthvað farinn að angra mig…við fórum síðan á Pravda og hittum gamlan og góðan vin Jón Víði. Eftir það fór ég heim því hálsinn var orðinn helvíti slæmur og hóstasaftin hætt að virka.

Ég mætti síðan í vinnu klukkan eitt á sunnudaginn og var nokkuð góður bara…engin þynnka sem náði tökum á mér þó ég hafi eflaust angað vel. Það er samt allt í lagi því það er svo mikil málningarlykt inn í svona búðum að það finnur enginn muninn. Í dag er heilsan síðan ekki alveg upp á sitt besta og ég fór ekki í skólann vegna hálsbólgu og aumingjaskaps.

Ætla að fara að elda pítsu með Kollu….blessss

Tags: ,

Árshátíð í kvöld

6. mars 2004 in BS-nám, Handbolti | No comments

Það verður glatt á hjalla í kvöld, fer á árshátíð líffræðiskorarinnar sem verður haldin í Versölum við Hallvarðarstíg…hvar sem hann er nú staddur?? Þetta verður vonandi fínt kvöld, við á 1. árinu byrjum á því að fara í partý til hennar Guðbjargar sem á heima í Garðabæ og síðan mun rúta sækja okkur þangað og keyra okkur í Versali. Það verður þriggja rétta máltíð og tónlist með matnum og ég veit ekki hvað og hvað. Maður er búinn að spara sig og peningabudduna lengi og engu eytt í djamm og fyllerí en það gæti eitthvað breyst í kvöld :) Heilsan er reyndar ekki alveg upp á það besta eins og er, en vonandi að maður komist í gegnum helgina án þess að þurfa að leggjast í veikindi. Þarf helst að mæta í vinnu á morgun líka og síðan get ég safnað kröftum fyrir komandi viku í skólanum. En ég segi bara eins og Birkir félagi GÆS (get ætla skal) og þá hlýtur maður að standa uppi fullur (a.m.k. í kvöld ;) ) af orku á mánudaginn og fer að taka sig á í skólanum. Það er orðið allt of stutt í prófin og maður ekki almennilega byrjaður að lesa.

Þreyttir voru að spila síðasta fimmtudag við Víking 2. Við svöruðum fyrir okkur á heimavelli og unnum þá tiltölulega létt. Kallinn setti 7 slummur og hefur ekki skorað svona mikið í mörg ár örugglega og voru þau í öllum regnbogans litum og ekki furða þó maður sé kallaður kamelljónið á síðu Þreyttara.

Ég er að lesa efnafræði með öðru auganu hérna á milli þess sem ég sel viðskiptavinum magnaða liti á húsin þeirra. Ætla að halda aðeins áfram, á bara klukkutíma eftir af þessum vinnudegi. Yfir og út………

Tags: ,

Myndasíða í smíðum

3. mars 2004 in Blog | No comments

Nú er ég að gera myndasíðu þar sem ég ætla að skella inn nokkrum góðum frá skemmtilegum augnablikum og bara einhverju sem gleður augað. Vonandi að þetta takist þokkalega, bara komnar þrjár myndir þegar þetta er skrifað…á nefnilega svo fáar í ferðatölvunni.

Tags: