Já það mátti ekki seinna vera…kláraði erfðafræðina í morgun og er því kominn í frí til 12. janúar 2005
Já það verður gott að geta slappað aðeins af, Kolla greyið er að byrja í prófum og verður nóg að gera hjá henni á næstunni. Er ekki alveg búinn að ákveða hvað ég ætla að gera alla þessa daga, best væri að fara í fjallið og renna sér á bretti en það er svo hvasst núna að það var ekki opið, sjáum til á morgun. Ég fór með ömmu og afa smá rúnt áðan…fórum að reyna að skipta á síma sem þau fengu í jólagjöf en þeir áttu ekkert betra en þau fengu þannig að þau verða að notast við þetta. Afi vildi fá ljós á hann svo hann sæi betur hver væri að hringja og svona en það gekk ekki. Afi er annars alveg í essinu sínu með tölvuna eftir að Bragi lagaði hana og er bara orðinn eins og kókópuffs kynslóðin, alltaf á netinu. Býst við því að hann lesi þetta
Ég ætla að drífa mig í sturtu núna og fara svo að gera ýmislegt sem ég hef ætlað mér að gera lengi, eins og að líma skúffuna í fataskápunum, festa upp klukkuna í eldhúsinu og setja upp ljós í svefnherberginu.