» Hjól

Hjólað í vinnuna 2010

Egill — Sun, 09 May 2010 14:24:27 +0000

Hjólreiða átakið er byrjað enn einu sinni og er stefnan að sjálfsögðu sett á það að bæta fyrri árangur. Ég hjólaði 2x í síðustu viku af þremur dögum. Markmiðið er að hjóla a.m.k. 4x í næstu viku og ná 100km.

Scott Speedster 30 er svo væntanlegt í næstu viku.

Finnland 11.-14. júní

Egill — Thu, 15 May 2008 22:13:00 +0000

Jæja loksins er það komið á hreint að ég er að fara til Finnlands í sumar. Ég var svo heppinn að fá þrjá styrki í dag, einn frá rannsóknarnámssjóði, einn frá Hjartaheill og einn frá Félagi íslenskra lífeðlisfræðinga. Ég næ að dekka allan kostnað með þessum styrkjum og get því leyft mér að fara.

Ég mun flytja erindi um verkefnið mitt á Norrænu hjartaendurhæfingar ráðstefnunni sem fer fram í Hämeenlinna sem er 100km frá Helsingi. Ráðstefnan er 12-14. júní og ég ætla mér bara að vera í þrjár nætur í Finnlandi því ég þarf að drífa mig norður á Akureyri að fagna 5 ára reunion frá MA með bekkjarfélögum mínum Það er óvissuferð 15. júní og síðan er 16. júní með öllum afmælisárgöngunum í íþróttahöllinni.

Hjólað í vinnuna átakið er enn í gangi og verður út næstu viku, ég ætla að reyna að halda sama dampi og klára þetta átak með stæl.

Meiri hjólafréttir

Egill — Sat, 10 May 2008 00:26:00 +0000

Hjólaði 15,5km og svo 13,okm = 28,5km í dag

Samtals eru þá komnir 81,6km síðustu þrjá daga.

Ég bætti tímann í kvöld og var á 27:01 (Elliðaárdalur/Fossvogur/Nauthólsvík/heim)

Vakna eftir 5tíma best að fara að hvíla lúin bein

Hjólað í vinnuna

Egill — Fri, 09 May 2008 09:10:00 +0000

Ég hef verið að pína mig að vera með í þessu hreyfinarátaki og gengið bærilega. Þar sem ég er að vinna upp í Grafarholti á kvöldvöktum er þetta ágætis áskorun.

Hér koma því km sem ég hef hjólað síðustu daga:

Mánudagur: 12,9km og 13,0km

Þriðjudagur: 14,2km og 13,0km

- Hjólaði á 28:50mín og meðalhraðinn 26.4km/klst

- Hjólaði auk þess í sund fyrr um daginn sem telst ekki með í keppninni sem voru um 4,6km

Miðvikudagur: (Í dag hjóla ég líklega 14,2 og 13,0)

Að öðru, Kolla er búin í prófum og við mæðgin eru mjög fegin að fá hana aftur. Þær mæðgur skelltu sér á Laugarvatn í gær í afmælisveislu.

Meira síðar, best að fara að læra svo ég klári þessa ritgerð einhverntíman…

Heim í heiða dalinn…!

Egill — Mon, 25 Oct 2004 20:03:00 +0000

Góða kvöldið gott fólk, ég er ekki búinn að skrifa lengi, enda búinn að vera önnum kafinn. Ég keyrði norður í gær með Kollu og vinkonum hennar. Maður var ekki alveg í besta formi til að keyra heim enda var tekið vel á því á laugardagskvödið…! Birkir sagði að ég hefði verið til vandræða í einhverjum stiga því ég hefði flogið á hausinn þar…veit nú ekki alveg hvað er til í því, veit bara að ég marinn á nefinu og man ekki hvenær það högg kom.

Ég vaknaði eldsnemma og fór að þvo þvott sem hafði safnast upp þá viku sem ég var fyrir sunnan, fór svo í skólann og hélt áfram að þvo og ryksugaði síðan íbúiðina á meðan Kolla eldaði. Síðan setti ég nagladekkin á hjólið áðan og er núna að verða klár í hvaða veður sem er á Gary Fisher

Best að fara að læra, ég þarf að gera slatta af verkefnum í þessari viku.

Mögnuð helgi

Egill — Mon, 14 Jun 2004 22:01:00 +0000

Já þetta var fín helgi ég skemmti mér mjög vel. Ég mætti með Kollu í Grástein þar sem við borðuðum grillað lambalæri…það var svo gott veður að við borðuðum úti. Síðan héldum við Kolla heim og ég fór til Jóns Víðis í partý en Kolla var bara heima enda þurfi hún að vakna og vinna bæði á FSA og á Gallup. Partýið var eins og þau gerast best…við fengum að kynnast góðum vini Jóns og Rúnars sem þeir kölluðu Ásthildi Helgadóttur…hún var úr 36mm breiðri slöngu ca. hálfur metri að legnd. Á öðrum endanum var síðan trekt sem hafði verið teypuð við slönguendann. Síðan voru hálfslíters bjórflöskur og dósir tæmdar ofan í Ásthildi…síðan fóru menn á hnéin og settu hinn endann við munninn og gáfu merki er þeir voru tilbúnir, þá lyfti Rúnar Ásthildi upp í hér um bil lóðrétta stöðu og þá rann ölið með miklum látum út úr henni og ofan í þann sem var á hnjánum. Mér þykir bjór nú ekkert sérstakur og er enginn þambari en þarna gekk áfengið út úr Ásthildi ofan í mig og svona 7 sekúndum ekki meira…venjulega er ég svona hálftíma með einn bjór þannig að þetta var alveg rosalegt. Eftir að flestir höfðu reynt við Ásthildi, löggan búin að droppa við þá var farið í Sjallann á Jet Black Joe. Það var nú ekki mjög fjölmennt en það var alveg gríðarlegt stuð í félögunum og klukkan allt í einu orðin hálf fimm. Ég skreið síðan á koddan svona um fimm leytið eftir að hafa fengið mér göngu heim. Nú man ég afhverju ég djammaði svona sjaldan fyrir sunnan, þar er sko ekki hægt að rölta heim af djamminu í rólegheitunum. Þar kosta kvöldið a.m.k. 2000 kalli meira bara út af því að maður neiðist til að taka taxa. Sunnudagurinn var síðan mjög einfaldur, ég vaknaði nokkuð aumur í hausnum ég hef greinilega rekið hausinn í svefni eða þá að hún Ásthildur er ekki öll þar sem hún er séð Eftir að hafa skriðið á fætur um þrjú leytið horfði ég á fótbolta og formúluna þangað til að enn ein veislan var haldin hér í Espilundi. Áki og Anna eru komin norður því þau er 10 ára stúdentar frá MA. Það var því allir mættir nema Stefán og kó en við hittum þau nú fljótlega því það styttist í Frakklandsferðina. Við förum út á Laugardaginn næsta og ég var að kaupa miða handa henni Kollu minni í dag þannig að það mæta allir þangað. Í dag tók ég ágætis æfingu, fór í sund og synnti 1 km. Ætlaði að vera 20 mín en formið var greinilega ekki alveg komið, var 23 mín…það er líka miklu flottari tala. Ef því eitthvað að stefna að…þarf að fara undir 20 mínúturnar í lauginni og undir 30 mínúturnar upp í Hlíðarfjall. Jæja skrifa meira að sinni…það verður bekkjapartý á morgun á Dagverðareyri hjá 4.U og síðan hjá Önnu Guðrúnu 16. júní þannig að það er stíft programm framundan.

Hjólið tekið í gegn

Egill — Tue, 08 Jun 2004 22:33:00 +0000

Jámm ekki var vanþörf á því að taka hjólgarminn í gegn. Ég er búinn að vera á Borgardekkjum síðan ég var fyrir sunnan því þar hjólaði maður bara eftir hjólastígum á öðru hundraðinu. Nú er ég kominn með “off-road” dekin undir því maður þarf að fara að gera sér ferð í stígana í Kjarnaskógi og líka upp i Fálkafell. Það sem kom mér af stað í þetta var að það var sprungið á aftur dekinu og ég ákvað bara að taka það alveg í gegn. Núna er ég búinn að taka bæði skermana og bögglaberana af hjólinu líka því þeir munu bara flækjast fyrir í þessu ferðum. Bragi bróðir er hérna fyrir norðan núna, hann mætti bara á staðinn og kom Möggu heldur betur á óvart. Hann er búinn að redda mér nokkrum forritum og nú fer ég að reyna að læra á þau þegar Kolla er í vinnunni og ég ekki í hjólaferðum. Hann fjárfesti líka í bók sem fjallar um heimasíðugerð og hver veit nema að maður gluggi aðeins í hana og mæti svo með ferska síðu seinna í sumar En nú er ég búinn að vera allt of lengi í tölvunni í og verð að fara að hætta…meira seinna.

Eru það Ýdalir á morgun??

Egill — Thu, 03 Jun 2004 22:57:00 +0000

Ég er búinn að vera alveg arfa slakur að skrifa á þessa bloggsíðu síðustu daga og eiginlega alveg síðan ég kom norður. Maður er bara alltaf að brasa eitthvað og er lítið í tölvunni svona á sumrin. Það er alltaf einhver ritstífla í mér þegar ég ætla að fara að skrifa hérna þannig að ég hætti yfirleitt við. Það er samt fínt að sjá að einhverjir nenna að kommenta á þetta í rugl í manni, þó maður nenni ekkert að skrifa á móti. Ég komst þó að einu í vinnunni um daginn að það var ekki mjög merkilegur árangur að hjóla upp í Hlíðarfjall á 36 mín, þó að klukkan hafi gengið í 5 mínútna pásunni, því að metið þarna upp eftir á víst einhver gönguskíðadrjóli sem er 23 mín. Þannig að nú verð ég aldeilis að fara að spýta í lófanna og hjóla nokkrum sinnum þarna upp og athuga hvort tíminn lagist ekki eitthvað. Annars er púnterað á hjólinu núna svo maður hjólar ekki mikið. Verð að gera við það á morgun. Önnur stórmerkileg frétt er að maður þarf að ná 5.5 í meðaleinkun í fimm hæstu áföngunum í Háskólanum til að komast á milli ára í líffræðinni. Þetta er bara gott mál því ég er búinn að ná því og er því heimilt að hefja annað ár í líffræðinni þegar þar að kemur. Ætla nú samt að taka nokkur próf aftur því það eru algjörar sultu einkunnir í sumum fögunum og ekkert gaman að hafa þær á einkunnaspjaldinu…maður náði þessu þó í bili, fegra svo einkunnaspjaldið síðar.

Já svo eru það Ýdalir á morgun, veit ekki alveg hvort ég fer…það kemur í ljós á morgun. Maður er orðinn svo gamall að maður passar ekki inn í þetta, eða hvað…ætla allir að mæta?

Ætla að fara að halla mér…sofið þið vel!

Hjólaði upp í Hlíðarfjall

Egill — Mon, 31 May 2004 17:01:00 +0000

Já það var heldur betur tekið á því í morgun þegar ég ætlaði að fara með Stefáni frænda að hlaupa upp í Hlíðarfjall. Hann sagðist ætla frekar að hlaupa út í Þelamörk og fara í sund þar með familíunni, þannig að ég dreif mig bara á hjólinu upp eftir. Þetta var alveg í líkingu við það að fara upp Kirkjutröppurnar alveg á fullu, nema hvað að ég held að ég hafi verið enn þá móðari. Ég hef einu sinni hjólað sömu leið en fór þá bara upp að grindahliðinu og ætlaði að sjá hvort ég næði gamla tímanum…það gekk ekki en ég kastaði mæðinni í smá stund og hélt svo áfram alla leið upp í hótel. Þetta tók 36mín með 5 mínútna stoppi hjá grindahliðinu og var það því alveg ásætanlegur árangur miðað við að ég er að byrja hreyfa mig. Það tók aftur á móti ekki nema svona 7 mín að hjóla niður og GPS-inn mældi mig á 63km/klst þó ég hafi bara látið mig renna. Eftir þetta er ég svo búinn að borða grillaðan silung sem bræður mínir veiddu, slá garðinn og fá mér ís með Braga og Möggu. Held ég taki því bara rólega núna fram á kvöldið, Kolla fer að vinn klukkan 18, mamma og pabbi eru í Grásteini (sumarbústaðnum) og bræður mínir og Stefán frændi eru á suðurleið. Ég fer því í kjúlla til ömmu…ekki slæmt það

Vefjafræði á mánudaginn

Egill — Fri, 02 Apr 2004 23:17:00 +0000

Jæja nú er að taka á honum stóra sínum um helgina og lesa myrkrana á milli í vefjafræðinni…var ekki alveg nógu duglegur í dag en er samt kominn á ágætis ról með þetta.

Ég fór í smá hjólatúr, kanna óhættar leiðir hérna í Breiðholtinu svo við Kolla getum hjólað saman áhyggjulaus…þær eru sko ekki á hverju strái Tók að sjálfsögðu tímann með nýja hraðamælinum var bara með þokkalegasta meðalhraða á þessum annars ágæta hring…það er vissulega ekki fyrir alla að fara mínar hjólaleiðir þannig að ég verð kannski að endurskoða hann áður en nýji gripurinn hennar Kollu verður prófaður í fyrsta sinn.

Ekki var það meira að sinni…yfir og út