You are currently browsing the archive for the Íþróttir category.
Ég hef verið að mæta í fótbolta síðustu mánudaga með vinnufélögu mínum í Nimblegen. Það er ansi fínt að hreyfa sig svona þó maður sé nú í vægast sagt lélegu formi og getan í fótboltanum er ekki upp á marga fiska 
En það er félagsskapurinn og hreyfining er góð.
Ég gef mér aldrei tíma í að hreyfa mig því verður að breyta fyrr en síðar.
Tags: Fótbolti
Ég og Birkir háður mikla og drengilega keppni á Bjargi áðan, staðið hefur undirbúningur síðast liðinn mánuðinn, aðallega með því að lesa okkur til í bókum. Ég í lífeðlisfræði og sjá hvernig líkaminn tekur á því og Birkir gluggað í verkfræðibækur, pælt í burðarþoli og eðlisfræði hvernig á að vippa stönginni upp. Það mátti ekki miklu muna í þessari keppni. Reglur voru þær að mismunur á kílófjölda í bekkpressu og mismunur í fituprósentu margfaldað með tveimur var borið saman. Hér koma tölurnar:
Bekkpressa: Birkir 100kg og Egill 75kg –> mismunur 100-75 = 25
Fituprósenta Birkir 19,2% og Egill 7,4% –> 2 x mismunur 2 x (19,2-7,4) = 2 x 11,8 = 23,6
Þetta endaði því 25 vs. 23,6 Birki í hag og er hann vel að sigrinum kominn. Það máti þó ekki miklu muna, ég var næstum með 80kg og þá hefði munurinn bara verið 20 í bekknum og ég hefði unnið en Birkir lyfit líka 115kg í nóvember þegar við hittumst síðast í upphitun fyrir þessa keppni og því hefði þetta líka getað verið rúst hjá honum. Það var allavega gaman að þessu og ætti að gera að hefð um hver jól eins og Birkir komst að orði. Spurning hvort við keppum í sömu grein næstu jól eða finnum upp á einhverju nýju?
Tags: Bekkpressa, fituprósenta, Lyftingar
Lítið að frétta af mér…það er bara endalaus snjókoma og það er bara besta mál…því þá styttist í að ég komist á bretti Ég er búinn að reyna að vera duglegur í lærdómnum í dag en það er eins og ég komist ekki í gang fyrr en svona um miðjan dag og er orðinn góður þegar venjulegt fólk ætti að vera að fara að sofa. Þetta er mesti galli því að það verður oft allt of lítið úr deginum
Það gengur ekkert allt of vel með þessa helvítis ritgerð þannig að ég er búinn að vera að taka pásu á henni og gera önnur verkefni. Vonandi að maður fari langt með helvítið um helgina…þetta er að verða allt of mikill tími sem fer í þetta helvíti. Ég er svo góður í að velja mér einhver viðfangsefni sem að tekur heila eilífð að leysa. Ég er að fara taka smá syrpu í þessu og síðan ætla ég í ræktina klukkan sex og reyna aðeins við bekkinn svo Birkir fari ekki of kátur út úr ræktinni þegar við mætumst um jólin
Ég fæ hrós dagsins, fyrir að hjóla í skólann með 20kg af töskum, gera verkefni til að verða 6, hjóla þá í ræktina og taka á því með Hannesi og hjóla svo heim í brjálaðri sunnan átt og komast hvorki lönd né strönd.
Ég var að tala við Thoroddsen-inn í miðið og myndarann og lá vel á þeim við vínsmökkun í Barmahlíðinni. Þeir sögðust vera búnir að smakka hvern einasta millilíter úr 3 flöskum og söðgu að árgangurinn væri góður
Þeir voru að peppa í mig upp í það að koma suður í Dalvíkurfesteval í Reykjavík þar sem margt stórmennið mun koma. Maður er náttúrulega í verkefnavinnu upp fyrir haus og staðann ekki beint þannig að maður hafi efni á pakkanum hvað varðar peninga og lærdóm. Það á samt að vera búið að plögga far fram og til baka og mat ofan í litla labba kútinn. Þannig að þetta er mjög freistandi boð…en við skulum bara sjá hvernig staðan verður á morgun, því þá á ég að gefa lokasvar
Best að fara að skríða í koju og hvíla kjötfjöllin sem eru að safnast utan á skrokknum.
Ég vaknaði kl. 7 og var kominn út á Bjarg kl. 8 þar sem ég hitti Hannes Inga. Við fórum beint að lyfta því að ég var búinn að hita mig upp á því að hjóla (það var ekki þurr þráður á mér) og Hannes var búinn að hlaupa. Ég byrjaði svo vel…fór í þríhöfðann beint á eftir Hannesi, við lágum á bekk og áttum að sveifla þessu rétt fyrir ofan hausinn og rétta úr höndunum. Það gekk ekki betur en svo að ég hálf missti lóðið beint á ennið á mér því að ég réði engan veginn við þetta….er með smá kúlu núna enda ca. 27kg sem ég skallaði. Þetta var bara til að kveikja í manni og ég tók vel á því með Hannesi sem leyndi gríðarlega á sér og henti hverri þyngdinni á fætur annarri upp í háloftin. Það er fínt að vera með svona kögglum að lyfta, þá hefur maður meira að keppa að.
Eftir þetta fór ég í sturtu og aðeins í pottinn og hélt síðan upp í skóla…var þar í smá stund að læra erfðafræði og fór svo í fyrirlestur frá 12:30-17:00. Þetta hefði getað verið langt og leiðinlegt af því að það er nú einu sinni föstudagur og mann langar ekki mikið til að vera svona lengi í skólanum, en þetta var helvíti fínn fyrirlestur um hormón og áhrif þeirra í líkamanum. Mér finnst lífeðlisfræðin alveg helvíti skemmtileg og væri alveg til í að vinna eitthvað við hana í framtíðinni. En við skulum bara bíða og sjá….
Ég fór í mat í Espilund þar sem Kolla var að vinna…mamma eldaði alveg helv.. góða nautasteik, vel blóðug og fín..
Núna erum við Kolla bara heima í tölvunum og veit ekki hvort við gerum eitthvað í kvöld enda Kolla sjálfsagt bara sátt með rólegheitin búin að vera úti tvö kvöld í vikunni og ætlar kannski út á morgun í afmæli. Ég held maður ætti að vera duglegur og skrifa ritgerð á morgun í lífeðlisfræðinni…var að hugsa um að skrifa um blóðrás fiska hvernig kerfið í þeim virkar þegar þeir eru í ísköldum sjó…það verður að skrifa um einhverja lífeðlisfræði hjá fiskum, sumir ætla að skrifa um sjón fiska og aðrir um smoltun (þegar fiskar fara úr ferskvatni í sjó) svo maður verður að finna eitthvað annað. Hefði verið til í að skrifa um sjónina (var nú einu sinni með 10 fyrir líffræðiritgerðina mína um augað í Gagganum í 10. bekk ). En það er víst til allur andskotinn á netinu og maður verður að skoða vísindagreinar og velja sér eitthvað gott á morgun, einhverjar hugmyndir frá ykkur?
Jæja þetta var þá dagbókin fyrir 29.okt. 2004 best að fara að hætta þessu bulli, hef ekki meira að segja ykkur í fréttum að sinni…
Tags: lífeðlisfræði, Lyftingar
Já ég dró Steinþór frænda með mér út í kvöld og við tókum nokkur æfingahögg á golfvellinum á Þverá. Við reyndar vissum ekki alveg hvar völlurinn væri og vorum búnir að keyra dágóðan spöl inn í Eyjafjörðinn. Keyrðum inn að Hrafnagili, fórum yfir brúnna og héldum áfram inn fjörðinn. Þetta hefðum við náttúrulega ekki átt að gera en maður er vitur eftir á og nú vitum við nákæmlega hvar þetta er. Sían fengum við það staðfest að bændur eru byrjaðir á fullu í heyskap og engin lygi að allt sé miklu fyrr á ferðinni heldur en í venjulegu ári. Golfið gekk ágætlega hjá Steinþóri en ekki alveg nógu vel hjá mér. Við hittum samt helvíti fínana kall sem var að sjá um golfvöllinn þarna og saðgði okkur að þeir væru að fara að halda námskeið þarna á næstunni og það er því aldrei að vita nema að maður slái til með það. Verð nú að kunna undirstöðu atríðin svo ég sé nú að æfa mig rétt. Annars er ekki margt að frétta…það var allt á afturfótunum í vinnunni í dag, litavélin bilaði…einhver helvítis dæla gaf sig og við þuftum að skipta um hana og á meðan lak helvítis litarefnið út um allt. Þetta hafðist þó fyrir rest enda einstaklega laghenntir menn sem vinna þarna Ég er orðinn frekar lúinn núna…ætla að fara að leggja mig.
Nú eru bara tveir dagar eftir að læra og svo próf á miðvikudaginn. Ætla að vera duglegur til að verða fimm, þá förum við Bragi bróðir í klippingu. Eru að spá í að vera í stíl í þetta skiptið, taka bara allt af en halda síddinni í hnakkanum. Sítt að aftan er alveg að gera sig í dag og ætlum við því að taka þetta alvarlega og safna í stert Það var ekki margt sem að ég gerði um helgina, þurfti að vinna í gær og síðan horfði ég á Haukana taka Valsmenn nokkuð létt í handboltanum í sjónvarpinu. Valur verður að fara að taka sig á svo að skoðannakönnun síðunnar muni koma með rétt úrslit. Allir sem hafa tekið þátt í henni hafa spáð Val sigri, það vona ég líka að þeir geri…en betur má ef duga skal! Ég og flugmaðurinn fórum í golf um daginn í elliðaárdalnum, fundum fínt svæði með gríni, sadngrifju og fínni brekku til að slá niður. Ég var eitthvað hægri sinnaður í sveiflunni því boltarnir fóru flestir í fallegu sveig lengst til hægri. Flugmaðurinn örvhennti var ekkert að hika við þetta og sló allar kúlurnar sínar svona líka mörghundruð metra. Held að hann sé kominn í rétta sportið…getur líka verið að öll þessi prófaþreyta hafi hjálpað honum og hann hafi séð höfuð kennara sinna í stað boltanna og bara látið vaða í þá. Jamm það var fínnt í golfinu en ég verð greinilega að fara að æfa mig betur ef ég ætla að halda í Tiger 2. Best að fara að læra núna, ég verð að skipuleggja tímann vel á lokasprettinum svo að hægt sé að brasa eitthvað í fluttningum með prófalestrinum.
Já það er óhætt að monta sig aðeins yfir lestri síðustu daga…því seinni önnin byrjaði með svipuðum hætti og sú fyrri. Ég og Björgvin fórum í Hlöðuna laugardag og sunnudag…Birkir bauð okkur í graut á laugardaginn og peppaði okkur áfram með því að segja vera að fara út í góða veðrið að mynda og sagðist ætla að kíkja á “Strandið” með nafna skipsins sem strandaði Baldvini Þorsteins.
Það var síðan tekið á því á mánudaginn í Hlöðunni og á bókasafninu í Öskju (nýja náttúrufræðihúsinu) eins og á þriðjudaginn. Þannig að maður er að komast í ham, enda verður ekki mikið lært um helgina…ég að fara að vinna báða dagana í Skeifunni.
Bjöggi dreif mig með sér í ræktina í gær þannig að tveggja vikna frí er á enda þar…var veikur í viku og að aumingjast í aðra. En það var tekið hraustlega á því eins og vanalega og byrjað á sömu þyngdum og fyrir hálfum mánuði. Strengirnir eru ekki enn komnir en það ekki útilokað að maður hafi verið aðeins stífur í morgun.
Jæja ég ætla að fara að skríða í bólið til Kollu…hún er að lesa undir sálfræðipróf en ég ætla nú bara að snúa mér á hina og safna kröftum fyrir morgundaginn.
Já og ég sko búinn að borða mikið af saltkjöti og baunum. Reyndar grunar mig að þetta hafi verið aðeins of salt því ég held ég sé búinn með ein 4-5 stór vatnsglös núna nokkrum tímum síðar. Gott var það alla vega þó það sé ekki alveg það hollasta en ætli það drepi mann að borða þetta örfáu sinnum á ári, nei held ekki.
Ég fór í ræktina eftir skóla í dag eins og ég gerði reyndar líka í gær og var tekið heldur betur á því. Í dag var bekkpressu dagur og því tekið hraustlega á því, maður er svo sem ekki kominn með neinar rosalegar þyngdir strax en það á eftir að koma fljótlega með þessu áfram haldi. Svona átök voru gamlar konur á eftirlaunum greinilega hrifnar af því þær gjörsamlega góndu á mig þegar ég var hér um bil farinn að öskra í sumum tækjunum. Var sem sagt bara nokkuð sáttur með daginn í ræktinni og þyngdist um nokkur kíló af sjálfsáliti þó svo að vigtin inn í klefa sýndi svipaða tölu og síðast…hún mælir hins vegar bara líkamsþyngd en ekki sjálfsálitið sem sveif í kring um mig eftit að hafa sett pinnan neðar í þyngri lóð í öllum tækjunum sem ég fór í í dag. Hvort það var vegna þess að gömlu konurnar í salnum voru flestar háaldraðar og bara í upphitunarþyngdunum eða ég að bæta mig veit ég ekki…en það var alla vega góð tilfining! 
Gaman væri nú að taka sig almennilega á og komast í gott form áður en sumarið kemur, því það er nú ekk mjög líklegt að maður nenni að hanga inni og lyfta þá. Þar sem veturinn er búinn að vera mjög snjósamur eða a.m.k. á köflum, þá ætla ég að gerast svo djarfur að spá góðu veðri í sumar og munum við sjá mikið af berjum í ágúst.
Ég er búinn að vera duglegur að reyna að hreyfa mig í þessari viku og nú er stefnan að koma sér í almennilegt form. Ég fór að lyfta á mánudag, keppti á miðvikudag í handboltanum við HR, fór svo á handboltaæfingu á fimmtudag, lyfti á föstudag og í dag sunnudag. Þannig að ég er helvíti ánægður með útkomu vikunnar og stefni á að fylgja þessu eftir næstu vikur svo maður komist í almennilegt form. Það er síðan leikur á morgun upp á Laugarvatni kl. 8 á staðartíma svo að það verður nóg að gera á morgun.
