Bloggheimar í dvala

Egill — Sun, 15 May 2011 08:10:43 +0000

Lítið hef ég haft mig frammi í að blogga hér að undanförnu. Facebook og handskrifuð íþróttadagbók hafa tekið yfirhöndina. Það er spurning hvort maður þurfi ekki að fara taka afrit af öllum þessum færslum svo maður glati þeim ekki þegar síðan lokast.

Íþróttaárið 2011 er hafið

Egill — Mon, 03 Jan 2011 00:13:18 +0000

Hlaupabrettið í klassanum var aðeins brúkað í dag til að koma sér aftur á réttan kjöl eftir hátíðarnar. Stefnan er að fara nokkrum sinnum í vikunni til að rífa sig í gang.

Íþróttaiðkun haustsins

Egill — Wed, 06 Oct 2010 21:32:46 +0000

Haustið er búið að fara vel af stað hvað varðar íþróttaiðkun. Ég og Áki bróðir mætum á morgnana í klassann og hendum upp lóðum af miklum móð. Hjólreiðarnar hafa minnkað mikið síðan í sumar en við Bragi reynum eitthvað að tækla það þegar tími gefst.

Handboltavertíðin fer svo að byrja, ég er búinn að skrá mig í utandeildarlið sem ætlar að vera með í deildinni í vetur. Það verður mjög skemmtilegt að spreyta sig á boltanum í vetur eftir nokkra ára pásu.

Í dag var það svo útihlaup, hringinn í kringum flugvöllinn í fínu veðri, 11°C hita og logni. Ég stefni á að reyna að hlaupa áfram á meðan veðrið helst nokkuð stillt en síðan verða hlaupskórnir settir í pásu þegar það fer að frysta.

Mettími í vinnuna

Egill — Sun, 13 Jun 2010 21:55:21 +0000

Nýr mettími upp í vinnu sem eru 13km. 25mín og 50sek. Meðalhraðinn var 29.6km/klst.

Þetta er slatta langt frá mettímanum heim (23mín) úr vinnunni enda meira niður í móti á leiðinni heim.

Set þetta inn svo ég muni þetta. Hver veit nema aðrir geti kommentað á þetta og deilt hjólasögum með mér .

Hjólað í vinnuna 2010

Egill — Sun, 09 May 2010 14:24:27 +0000

Hjólreiða átakið er byrjað enn einu sinni og er stefnan að sjálfsögðu sett á það að bæta fyrri árangur. Ég hjólaði 2x í síðustu viku af þremur dögum. Markmiðið er að hjóla a.m.k. 4x í næstu viku og ná 100km.

Scott Speedster 30 er svo væntanlegt í næstu viku.

Læst: Viðburðarík helgi

Egill — Mon, 29 Mar 2010 14:02:29 +0000

Haustið komið og tími til kominn að blogga…

Egill — Tue, 08 Sep 2009 21:43:14 +0000

Haustið er komið, það veit ég því að leikskólinn er kominn á fullt eftir sumarfrí, Kolla er byrjuð í skólanum og púsluspil hversdagsins er hafið.

Í sumar gerðum við margt skemmtilegt og aldrei að vita nema að maður setji inn einhverjar myndir af því. Annars eru nú flestir hættir að lesa blogg síður og láta sér nægja að lesa annarra manna slúður í gegnum facebook.

Ég ætla nú samt að þrjóskast við og reyna að halda þessari síðu eitthvað gangandi. Það styttist alltaf í það að ég klári MS-rigerðina og þá get ég kannski lappað eitthvað upp á þessa síðu.

Þessi póstur var aðallega til brjóa þann þykka ís sem hefur legið á þessari síðu. Sjáum svo til hvernig gengur!

Mikil tölfræði um helgina

Egill — Sun, 08 Mar 2009 22:03:05 +0000

Þetta er búið að vera ansi strembin helgi, ég er búinn að vera duglegur í tölfræðinni enda stutt þangað til ég þarf að skila ritgerðinni. Ég er búinn að vera mikið að læra upp í skóla í SPSS. Annars er allt gott að frétta og allir frískir. Vinna á morgun svo ég verð nú ekki eins lengi að í kvöld og síðustu kvöld.

Blóðgjöf er lífgjöf

Egill — Fri, 20 Feb 2009 13:20:15 +0000

Ég var að koma úr blóðbankanum, það er alltaf fínt að fara og láta taka úr sér smá slurk. Ég er búinn að gefa 11 sinnum núna, ef ég gef fjórum sinnum á ári þá verð kominn í 100 skipti eftir 22ár og 3mánuði. Þá verð ég 47 ára og árið 2031 og ef ég hef farið akkúrat á 3mánuða fresti og engin töf orðið þá verður maí svo kannski verður þetta á afmælisdaginn minn, svo kannski verð ég 48 ára.

Hvað sem þessum skemmtilegu pælingum líður hvet ég alla til að gefa blóð ef menn mega það á annað borð. Maður veit aldrei nema að maður þurfi að nota þetta blóð sjálfur einn daginn eða einhver nákominn.

Blóðfjölskyldan

Læst: Bústaðarferð og 6 vikna skoðun

Egill — Wed, 18 Feb 2009 16:00:15 +0000