» Þreyttir3

Lestur og lestur…og út að hlaupa.

Egill — Mon, 26 Apr 2004 12:51:00 +0000

Góðan daginn, gaman að sjá að sumarið er á næsta leyti og skólinn styttist óðum. En til að ljúka skólaárinu þarf maður víst að taka próf og er það miður…því ég hef nú aldrei verið talinn vera mikill prófamaður, á það til að misskilja spurnigar og svara því sem mig langar til að svara…frekar en að svara því sem spurt er um Það má víst ekki, ekki gefur það hátt á prófi að rugla bara um daginn og veginn án þess að vita nokkurn skapaðann hlut hvað maður er að tala um. Þetta dugði reyndar í síðustu prófum en nú verður maður að einbeita sér og taka síðustu þrjár vikurnar með trompi og gefast ekki upp þó það blási á móti. Helgin var svona ágætt bara, ég fór í vinnuna báða dagana, en gat þó lært eitthvað báða dagana…hefði getað gert meira en maður býr alltaf til þessa djöfulsins pressu svo maður þarf að lesa í belg og biðu með adrenalín flæði í nokkra tíma. Les bara best undir pressu en ég á soltið mikið eftir núna svo að ekki þýðir að bíða fram á siðasta sólahring með þetta eins og oft hefur gerst í menntaskólanum. Það kemur að því að maður les eins og á að gera, allan veturinn og glósar með því. Ég og Birkir fórum og hittum félaga okkar í Þreyttum (utnadeildarliðinu okkar í handbolta) það var gaman að hitta strákana og fá sér 1-2 öllara. Birkir var á bíl að þessu sinni og nýtti ég mér það…hefur venjulega verið öfugt þannig að maður fær nú ekki mikið samviskubit yfir því Ég fór út að skokka áðan og tók nokkrar armbeygjur og magaæfingar…formið greinilega horfið, þetta litla sem var fyrir. Helvíti gott samt að fara í Elliðaárdalinn og fá smá frískt loft í lungun. Yfir og út…

Árshátíð í kvöld

Egill — Sat, 06 Mar 2004 13:57:00 +0000

Það verður glatt á hjalla í kvöld, fer á árshátíð líffræðiskorarinnar sem verður haldin í Versölum við Hallvarðarstíg…hvar sem hann er nú staddur?? Þetta verður vonandi fínt kvöld, við á 1. árinu byrjum á því að fara í partý til hennar Guðbjargar sem á heima í Garðabæ og síðan mun rúta sækja okkur þangað og keyra okkur í Versali. Það verður þriggja rétta máltíð og tónlist með matnum og ég veit ekki hvað og hvað. Maður er búinn að spara sig og peningabudduna lengi og engu eytt í djamm og fyllerí en það gæti eitthvað breyst í kvöld Heilsan er reyndar ekki alveg upp á það besta eins og er, en vonandi að maður komist í gegnum helgina án þess að þurfa að leggjast í veikindi. Þarf helst að mæta í vinnu á morgun líka og síðan get ég safnað kröftum fyrir komandi viku í skólanum. En ég segi bara eins og Birkir félagi GÆS (get ætla skal) og þá hlýtur maður að standa uppi fullur (a.m.k. í kvöld ) af orku á mánudaginn og fer að taka sig á í skólanum. Það er orðið allt of stutt í prófin og maður ekki almennilega byrjaður að lesa.

Þreyttir voru að spila síðasta fimmtudag við Víking 2. Við svöruðum fyrir okkur á heimavelli og unnum þá tiltölulega létt. Kallinn setti 7 slummur og hefur ekki skorað svona mikið í mörg ár örugglega og voru þau í öllum regnbogans litum og ekki furða þó maður sé kallaður kamelljónið á síðu Þreyttara.

Ég er að lesa efnafræði með öðru auganu hérna á milli þess sem ég sel viðskiptavinum magnaða liti á húsin þeirra. Ætla að halda aðeins áfram, á bara klukkutíma eftir af þessum vinnudegi. Yfir og út………

KA bikarmeistarar 2004!!

Egill — Sun, 29 Feb 2004 19:14:00 +0000

Þetta var bara góður leikur hjá KA og Fram í höllinni í gær, boltinn hraður og skemmtilegur. Ég vil óska öllum félögum mínum innilega til hamingju með sigurinn þetta var flott hjá ykkur!

Arnar Þór þetta var flottur leikur hjá þér líka þú varst bara óheppinn með lið að þessu sinni

Þreyttara gerðu í buxurnar á móti ÍR2 í dag og það stórt…hef ekki tapað svona stórt síðan ég byrjaði að æfa handbolta. En það kemur dagur eftir þennan dag, við höfðum þó gaman að þessu mest allan tíman. Meira seinna….

Djöfulsins andskotans …!!

Egill — Thu, 19 Feb 2004 18:45:00 +0000

Maður er náttúrulega alveg að drepast úr leti, nennir ekki einu sinni að rugla eitthvað hérna á blogginu. En það kemur vor eftir veturinn eins og skáldið sagði og þá léttist nú heldur betur brúnin á manni. Nú er bara stefnan á að klára skólann svona um miðjan maí og halda þá til Akureyrar og fara að vinna í HörpuSjöfn. Stefnt er á að leigja sér íbúð og vera næsta árið.

Það sem mér dettur nú ekki mikið í hug núna, þá læt ég þetta bara gott heita að sinni.

Ég er jú að fara að keppa við íþróttakennara-nemana frá Laugarvatni í kvöld og verðum við að gjöra svo vel og vinna á okkar heimavelli. Landsfrægir dómarar munu dæma leikinn og vonum við að það eigi eftir að fullkomna leik okkar, en það eru Kári Garðars og Binni.

Upplifði alveg rosalega lífsreynslu í gær en þá fór ég til læknis að láta kíkja á fæðingarblett sem er á belgnum á mér…bara svona til að vera viss um að allt sé í gúddý. En svona húðsjúkdómalæknar svífast greinilega einskins…ég var sprautaður í blettinn með einhverju deifilyfi sem var greinilega ekki að virka því þegar læknirinn ætlaði að taka vefjasýni úr mér með einhverri magnaðri grægju við fyrstu sýn var hún greinilega ekki að virka heldur því hún ætlaði að ná að smella smá bút úr blettinum en það tókst ekki. Ég kvartaði aðeins og sagði henni að deifingin væri sennilega ekki að virka. En læknirinn var ekki að hlusta neitt á mig því hún tók sér töng í aðra höndina og skæri í hina og klippti bara smá bút úr blettinum. Maður reyndi náttúrulega að halda andlitinu en djöfull var þetta vont….helvítis andskotans læknar!!

En yfir og út meira seinna……..

Jafntefli á Laugarvatni!

Egill — Wed, 11 Feb 2004 21:57:00 +0000

Við keyrðum gallvaskir á Laugarvatn á mánudaginn en komum ekki eins spertir til baka. Gerðum jafntefli við lið sem við hefðum átt að vinna á venjulegum degi…er reyndar alveg að missa mig í trúnni á þetta lið og við höfum ekki unnið leik í háa herrans tíð, en það kemur að því fyrr en varir.

Leikur á morgun við ÍR2 sem eru efstir í okkar riðli í utandeildinni. Við munum sko ekkert gefa eftir og þeir skulu sko þurfa að hafa fyrir því ef þeir ætla sér að vinna. Gaman að sjá hvort maður hitti ekki á markið í þessum leik, manni veitti ekki af nokkrum skotæfingum og kirkjutröppuferðum hjá Jóa Bjarna svo maður fari að geta eitthvað. En vonandi fer þetta að ganga hjá okkur, við erum að verða meira en þreyttir á þessu

Tap eina ferðina enn ;(

Egill — Thu, 05 Feb 2004 16:21:00 +0000

Þetta er nú að verða dáltið þreytt að tapa hverjum leiknum á fætur öðrum í handboltanum. Við í Þreyttum 3 spiluðum við HR í Laugardalshöllinni og biðum lægri hlut eftir að hafa verið undir allan leikinn…það vantaði allan kraft í liðið og menn flestir að spila illa. Það stendur til að spila við Laugarvatn næsta mánudag á Laugarvatni og hvetjum við alla stuðningsmenn sem af einhverjum ástæðum sá sér ekki fært að mæta og fylla höllina í gærkvöldi að mæta líka í útileikina því ekki veitir af hvatningu. Stefnan er að spila leikinn klukkan 20:00 á Laugarvatni á mánudaginn n.k.

Leikur í kvöld í Laugardalshöllinni!!

Egill — Wed, 04 Feb 2004 13:47:00 +0000

Í kvöld kl.22:00 munu lið Þreytts og HR etja kappi í sjálfri Laugardalshöllinni. Heyrst hefur að stuðningsmenn beggja liða muni fylla meiri hluta áhorfendastúkkunnar en þó verða örugglega einhver sæti laus fyrir þá sem nenna ekki að mæta mörgum tímum fyrir leik til að tryggja sér sæti. Lið Þreytts hefur fjárfest í nýjum varnarmanni og skyttu fyrir leikinn og mun hann án vafa vera mikið í sviðsljósinu í kvöld.

En meira um úrslit og gang leiksins á morgun…..

Æfing í kvöld!

Egill — Thu, 29 Jan 2004 21:12:00 +0000

Já nú verður sko mætt á æfingu hjá Þreyttum 3 og tekið á því…ekki veitir af, ef við ætlum að gera einhverja hluti á í næstu leikjum þá verður maður að fara að geta eitthvað. Síðasti leikur var algjört klúður en við hljótum að læra af honum.

Fór í askoti skemmtilega ferð í skólanum í lífmælingum, til stóð að fara upp í Elliðarárdal og mæla tré hátt og látt, nálægt ánni og svo langt frá henni. Við áttum sem sagt að meta hvað hefði áhrif á vöxt trjáa veður og raki. Var nú bara nokkuð spenntur fyrir þessu….en allt kom fyrir ekki við fórum út úr nýja náttúrufræðihúsinu og fórum að telja njóla og endur. Það var reyndar ágætt að sjá endurnar og gæsirnar sem voru ekki langt frá en þetta verður vonandi fyrsta og síðasta skipti sem ég tel njóla í brjáluðum gaddi.

Gekk ekki nógu vel í boltanum ;(

Egill — Thu, 22 Jan 2004 22:26:00 +0000

Við töpuðum fyrir Fylki í gær í alveg eitur mögnuðum leik, við komumst í 9:0 og vorum yfir allan leikinn þar til að það voru nokkrar mínútur eftir, en þá komust Fylkismenn yfir og unnu okkur í restina. Þetta er svona í boltanum sigrar og töp og maður verður bara að taka því.

Ég var að horfa á íslenska landsliðið áðan en þeir misstu leikinn úr höndunum í miðjum seinni hálfleik. Þeir gera bara betur á morgun en þá spila þeir á móti Ungverjum sem unnu Tékka sem við spilum við á sunnudaginn.

Nóg af handboltanum að sinni ætla að enda þetta með fyrstu myndinni á blogginu sem er af Ólafi Stefáns sem á eftir að standa sig vel á EM.

Hörku leikur á morgun!!

Egill — Tue, 20 Jan 2004 21:23:00 +0000

Jæja það er enginn smá leikur á morgun, við í Þreyttum 3 erum að fara að spila í Fylkisheimilinu sem er einmitt heimavöllur beggja liða. Þetta verður erfitt því að við töpuðum síðasta leik gegn þeim. En ég er að fara að læra…..eða hætta alla vega í tölvunni.