Próf

You are currently browsing articles tagged Próf.

3 búin og 3 eftir

13. desember 2004 in BS-nám, Blog | No comments

Já nú er þrautargangan hálfnuð, ég var í 3. prófinu mínu í dag og gekk bara bærilega…ætli þetta hangi ekki réttu megin…vona það alla vega. Annars er ég nokkuð montinn með mig fékk mína fyrstu 9 í háskóla nú í 1. prófinu mínu hérna í haf-og veðurfræði..vonandi að restin verði sæmileg þó einkunnirnar þurfi kannski ekki að vera svona háar þó þær megi það alveg . Það er greinilegt að maður hefur horft mikið á veðurfréttirnar með pabba í gegnum tíðina

Núna er hins vegar löng og stöng keyrsla framundan…á að mæta í próf klukkan 9 og þarf að halda vel á spöðunum ef mér á að takast að læra þetta helvíti. Ég held maður komi sér því bara að verki og fari að lesa.

Tags:

Lokaspretturinn..

10. desember 2004 in BS-nám, Blog | No comments

Lærdómur á föstudagskvöldi klukkan hálf tíu…þýðir ekkert annað á lokasprettinum, fer í próf mánudag, þriðjudag og miðvikudag og svo er komið jólafrí. Best að harka þetta af sér og fara svo í vilt jólaskap

Njótið kvöldsins, þeir sem þurfa ekki að liggja yfir námsbókum! Ég er nú samt með nóg af lakkrís og súkkulaði sem ég ætla að gæða mér á þannig að þetta er ekki sem verst þó maður sé ekki að horfa á video heldur skólabækurnar….jæja nóg af leti…yfir og út!

Tags:

Eitt búið og fimm eftir

6. desember 2004 in Blog | No comments

Jæja eitt próf búið og gekk bara vel í haf- og veðurfræðinni, enda getur maður ekki verið þekktur fyrir að vita ekki eitthvað um það efni fyrst maður er í þessari ætt …en það er mikill léttir að vera búinn með eitt. Þá eru bara fimm eftir. Núna er það bara vistfræði á fimmtudaginn og því verður tekið á því á morgun í lestrinum. Meira seinna…

Tags:

Síðasta prófið á morgun og síðan beint norður

11. maí 2004 in BS-nám, Blog | No comments

Já nú er þetta alveg að verða búið, bara eitt próf eftir klukkan 13:30-16:30 og síðan flug heim klukkan 19:00. Það verður magnað að komast norður í vinnuna. Maður verður svo að fara að kaupa sér kort í ræktina strax og fara að taka á því. Ég og Kolla kláruðum að pakka í dag og sendum allt draslið með FMN…þannig að það verður sofið á dýnum í Vesturberginu í nótt en það verður þó eitthvað lítið því að ég þarf að læra fram á nótt. Núna tekur maður á honum stóra sínum og ekkert múður. Ég og bræður mínir fórum í klippingu í gær til Kristínar og var hún ekki lengi að laga okkur til. Við Áki erum nú stutthærðir en Bragi aðeins minni lubbi. Það er allt annað að sjá Thoroddsenana núna og hafa fjöldinn allur af fyrirsætustörfum borist til okkar en það er verið að fara yfir tilboðin í þessum töluðu orðum. Eitt hljómaði mjög vel, þar eigum við að sitja fyrir á lendarskýlum í eina viku í Frakklandi, þetta er náttúrulega ekki slæmt tilboð þar sem við fjölskyldan erum að fagna 50 ára afmæli móður minnar á sama tíma og hver veit nema að við sláum til. Jæja best að fara að læra meira, mér lýst ekkert á blikuna hjá Valsmönnum…þeir eru langt undir og stutt til leiksloka.

Tags: ,

Norðurland – 2 dagar

10. maí 2004 in BS-nám, Blog, Handbolti, Íþróttir | No comments

Nú eru bara tveir dagar eftir að læra og svo próf á miðvikudaginn. Ætla að vera duglegur til að verða fimm, þá förum við Bragi bróðir í klippingu. Eru að spá í að vera í stíl í þetta skiptið, taka bara allt af en halda síddinni í hnakkanum. Sítt að aftan er alveg að gera sig í dag og ætlum við því að taka þetta alvarlega og safna í stert Það var ekki margt sem að ég gerði um helgina, þurfti að vinna í gær og síðan horfði ég á Haukana taka Valsmenn nokkuð létt í handboltanum í sjónvarpinu. Valur verður að fara að taka sig á svo að skoðannakönnun síðunnar muni koma með rétt úrslit. Allir sem hafa tekið þátt í henni hafa spáð Val sigri, það vona ég líka að þeir geri…en betur má ef duga skal! Ég og flugmaðurinn fórum í golf um daginn í elliðaárdalnum, fundum fínt svæði með gríni, sadngrifju og fínni brekku til að slá niður. Ég var eitthvað hægri sinnaður í sveiflunni því boltarnir fóru flestir í fallegu sveig lengst til hægri. Flugmaðurinn örvhennti var ekkert að hika við þetta og sló allar kúlurnar sínar svona líka mörghundruð metra. Held að hann sé kominn í rétta sportið…getur líka verið að öll þessi prófaþreyta hafi hjálpað honum og hann hafi séð höfuð kennara sinna í stað boltanna og bara látið vaða í þá. Jamm það var fínnt í golfinu en ég verð greinilega að fara að æfa mig betur ef ég ætla að halda í Tiger 2. Best að fara að læra núna, ég verð að skipuleggja tímann vel á lokasprettinum svo að hægt sé að brasa eitthvað í fluttningum með prófalestrinum.

Tags: , , ,

Endirinn er í augsýn!

6. maí 2004 in BS-nám, Blog | No comments

Jæja nú eru 3 próf af 4 búin…og það besta eftir. Mér hefur allavega fundist skemmtilegast í þessu fagi, lífefnafræði í vetur. Það er hægt að enda þetta ár með stæl og setja í svona 8-9 í þessu prófi…það er stefnan a.m.k. en maður veit svo aldrei hvernig gengur í prófinu. Þar ræður dagsformið öllu, ekki hvað maður er búinn að vera ofvirkur að spurja í tímum og mæta vel og gera allar skýrslurnar með stæl. Ég er meira fyrir svona vetrareinkunn eins er hjá Kollu, mörg verkefni sem gilda og þá þarf maður ekki að treysta á 3 klukkutima próf til að fá fína einkunn. Svona vilja þessir kennarar hafa þetta og það þýðir lítið fyrir mig að vera að væla út af því. Ég sé að skyldmennin eru eitthvað farin að hripa á þessa síðu, ég get ekki sagt annað en orðaforði Sigurlaugar Ránar sé farinn að líkjast ískyggilega föður hennar. En sjaldan fellur eplið langt frá eikinni. Best að fara að sletta aðeins úr klaufunum núna og safna orku fyrir síðasta prófið…

Tags:

Norður 12. maí

3. maí 2004 in BS-nám, Blog | No comments

Jæja nú er búið að panta flug og förum við Kolla heim í heiða dalinn kl. 19 þann 12. maí. Ég ætla að mæta í vinnu daginn eftir og Kolla ætlar að fara í MA og í atvinnuviðtöl. Er að læra með Kollu upp í VRII núna og verðum við þar eitthvað fram á kvöld.

Það er smá pása í prófunum frá 6. -12. en þá er síðasta prófið mitt…hver veit nema að maður pakki aðeins þarna en síðan klárar Kolla það því hún er búin 10. maí. Takk fyrir kveðjurnar í síðasta bloggi Thelma og Sigurlaug Rán! Ég þarf að hringja í þig Thelma við tækifæri, ertu komin með aðra blogg síðu? Sigurlaugu Rán og fjölskyldu verð ég svo að hitta á milli prófanna.

Tags: ,

Daginn!!

12. desember 2003 in BS-nám, Blog | No comments

Allt fínnt að frétta af mér, er í prófum og elska það!! Eða nei held ekki…

Er búinn með eitt próf sem var í gær, dýrafræði A…gekk ekki alveg eins og ætlunin var en hvenær hefur maður verið að væla út af lélegri próftöku, er bara ekki alveg þessi próftýpa með risa stóran límheila og man heilu bækurnar fram og aftur. Síðan hjálpar það líka alltaf þegar maður hefur smá vott af áhuga á efninu og sér tilganginn.

Ég gerði það ekki alveg í dýrafræðinni þar sem menn eru einungis að lýsa þróun gagnaugabeina og fósturfræði…það hefði verið skemmtilegra ef þetta hefði verið David Attenboro líffræðin sem er svo gaman að læra. En þetta er víst grunnurinn og maður verður bara að sætta sig við þetta…veit reyndar heldur ekki hvort ég eigi eftir að halda áfram í þessu en ég ætla alla vegana að klára hin þrjú prófin sem eru stærðfræði 16. des, grasafræði 17. des og loks efnafræðin 20. des og síðan klára ég næstu önn líka.

Síðan ætla ég til Akureyrar vinna og hver veit hvort ég kíki á kúrsa í HA næsta haust á meðan Kolla klárar MA.

En nú er ég búinn að bulla nóg, ætla að fara að lesa grasafræðina á fullu fram að mat.

ps. er næstum búinn með allar jólagjafinar og er þetta nýtt met því það er bara 12. des

Blesss í bili nú fer ég að reyna að skrifa oftar ekki á margra mánuða fresti.

Tags: ,